TN 10th Standard Tamil Book Back Answers | Lesson 4.1 – செயற்கை நுண்ணறிவு

4.1 செயற்கை நுண்ணறிவு

Hello Students and Parents, In this section, you can clarify your doubt on 10th Standard Tamil Lesson 4.1 – செயற்கை நுண்ணறிவு. We have listed all book back questions with answers and some additional questions for self-practice.

10th Std Tamil Text Book – Download

பாடநூல் வினாக்கள்

பலவுள் தெரிக

1. தலைப்புக்கும் குறிப்புக்கும் பொருத்தமான விடையைத் தேர்ந்தெடுக்க.

தலைப்பு : செயற்கை நுண்ணறிவு

குறிப்புகள் : கண்காணிப்புக் கருவி, அசைவு நிகழும் பக்கம் தன் பார்வையைத் திருப்புகிறது. திறன்பேசியில் உள்ள வரைபடம் போக்குவரத்திற்குச் சுருக்கமான வழியைக் காண்பிப்பது.

1. தலைப்புக்குப் பொருத்தமான குறிப்புகள் இடம்பெற்றுள்ளன.
2. குறிப்புகளுக்குத் தொடர்பில்லாத தலைப்பு கொடுக்கப்பட்டுள்ளது.
3. தலைப்புக்குத் தொடர்பில்லாத குறிப்புகள் அளிக்கப்பட்டுள்ளன.
4. குறிப்புகளுக்குத் பொருத்தமில்லாத தலைப்பு வழங்கப்பட்டுள்ளது.

விடை : தலைப்புக்குப் பொருத்தமான குறிப்புகள் இடம்பெற்றுள்ளன

2. பாரத ஸ்டேட் வங்கியின் உரையாடு மென்பொருள் எது?

1. துலா
2. சீலா
3. குலா
4. இலா

விடை : இலா

குறுவினா

1. வருங்காலத்தில் தேவையெனக் கருதுகின்ற செயற்கை நுண்ணறிவு பொதிந்த இரண்டு அறிவியல் கண்டுபிடிப்புகளைக் குறிப்பிடுக.

எ.கா.:- செயற்கை நுண்ணறிவால் இயங்கும் போக்குவரத்து ஊர்திகள்

• செயற்கை நுண்ணறிவால் இயங்கும் இயந்திர மனிதன் (Robo – ரோபோ)

• செயற்கை நுண்ணறிவால் இயங்கும் திறன்பேசி (Smart Phone)

சிறு வினா

1. இன்றைய அறிவியல் கண்டுபிடிப்புகள் மனிதனை மேம்படுத்துகின்றனவா என்பது குறித்த சிந்தனைகளை முன்வைத்து எழுதுக.

• இன்றைய அறிவியல் கண்டுபிடிப்புகள் மனிதனை மேம்படுத்தவில்லை.

• அது மனிதனுக்குரியத் தேவைகளை மட்டுமே மேம்படுத்தி இருக்கிறது.

• அறிவியலால் இன்று மனிதன் மனிதனாக வாழவில்லை.

• இயந்திரம் மனிதனாகிவிட்டது. மனிதன் இயந்திரம் ஆகிவிட்டான்.

• மனித நேயத்தையும் அன்பையும் இரக்கத்தையும் இன்றைய மனிதனிடம் பார்க்க முடியவில்லை.

• பணிகளால் அவன் எந்திரத்தைப் போல ஓடிக்கொண்டே உள்ளான்.

2. மனிதர்களின் மூளையைப் போன்றது, செயற்கை நுண்ணறிவு கொண்ட கணினியின் மென்பொருள். மனிதனைப் போலவே பேச, எழுத, சிந்திக்க இத்தொழில் நுட்பம் மேம்படுத்தப்படுகிறது. இதனால் மனிதகுலத்துக்கு ஏற்படுகிற நன்மைகளைப் பற்றி அறிவியல் இதழ் ஒன்றுக்கு ‘எதிர்காலத் தொழில்நுட்பம்’ என்ற தலைப்பில் எழுதுக.

எதிர்காலத் தொழில் நுட்பம்

உயரினங்களில் மனிதரை உயர்த்திக் காட்டுவது அவர்களின் சிந்தனை ஆற்றலே! அந்தச் சிந்தனைக்குத் தொழில்நுட்பமும் துணை செய்கிறது. திறன்பேசிகளில் இயங்கும் உதவு மென்பொருள் கண்ணுக்குப் புலப்படாத மனிதனைப் போல நம்முடன் உரையாடி உதவி செய்கிறது.

நாம் சொல்கிறவர்களுக்குத் தொலைபேசியில் அழைப்பு விடுக்கும். நாம் திறக்க கட்டளையிடுகிற செயலியைத் திறக்கும். நாம் கேட்பதை உலாவியல் தேடும், நாம் விரும்பும் அழகா கவிதைகளை இணையத்தில் தேடித்தரும். எந்தக்கடையில் எது விற்கும் என்று சொல்லும். படிப்பதற்கு உரிய நூல்களைப் பட்டியலிடும். நாம் எடுத்த ஒளிப்படங்களை பற்றிப் பட்டியிலிடும்.

எதிர்காலத்தில் நம் நெருங்கிய நண்பர்கள், குடும்பத்தினர் ஆகியோரை விடவும் உதவு மென்பொருள் நம்மை நன்கு அறிந்திருக்கும்.

நெடுவினா

ஒரு குழந்தையைத் தூக்கவும் கீழே விழுந்த ஒரு தேனீர்க் கோப்பையை எடுக்கவும் மென்பொருள் அக்கறைகொள்ளுமா? வெறும் வணிகத்துடன் நின்றுவிடுமா? இக்கருத்துகளை ஒட்டிச் ‘செயற்கை நுண்ணறிவின் எதிர்கால வெளிப்பாடுகள்’ பற்றி ஒரு கட்டுரை எழுதுக.

குறிப்புச் சட்டம்

முன்னுரை ஊர்திகளை இயக்குதல் மனிதர்களிடம் போட்டி கல்வித்துறை பிற செயல்பாடுகள் வேலை வாய்ப்புகளில்மாற்றம் இயந்திர மனிதனிடம் குழந்தை தோழனாய் இயந்திர மனிதன் உயிராபத்தை விளைவித்தல் வணிக வாய்ப்புகள் முடிவுரை

முன்னுரை:-

ஒரு குழந்தையைத் தூக்கவும் கீழே விழுந்த ஒரு தேனீர்க் கோப்பையை எடுக்கவும் மென்பொருள் அக்கறை கொள்ளும் வெறும் வணிகத்துடன் அது நின்றுவிடாது. செயற்கை நுண்ணறிவின் வெளிப்பாடுகள் இனி மிகுதியாக இருக்கும்.

ஊர்திகளை இயக்குதல்:-

• எதிர்காலத்தில் நாம் இயக்கும் ஊர்திகளைச் செயற்கை நுண்ணறிவு கொண்டு இயக்கப்படும்.

• இத்தகைய ஊா்திகள் ஏற்படுத்தும் விபத்து குறையும்.

• போக்குவரத்து நெரிசல் இருக்காது.

• பயண நேரம் குறையும்.

• எரிபொருள் மிச்சப்படும்.

மனிதர்களிடம் போட்டி:-

மென்பொருள்கள், கவிதைகள், கதைகள் விதவிதமான எழுந்து நடைகள் போன்றவற்றைக் கற்றுக் கொண்டு மனிதர்களிடம் போட்டியிட்டாலும் வியப்பதற்கில்லை

கல்வித்துறை:-

கல்வித்துறையில் இத்தொழில் நுட்பத்தைப் பல விதங்களில் பயன்படுத்துவதற்கான சாத்திய கூறுகள் இருக்கின்றன.

பிற செயல்பாடுகள்:-

விடுதிகளில், வங்கிகளில், அலுவலகங்களில் தற்போது மனிதன் அளிக்கும் சேவையை இயந்திர மனிதன் செய்யும்.

நம்முடன் உரையாடுவது, ஆலோசனை வழங்குவது, பயண ஏற்பாடு செய்து தருவது, தண்ணீர் கொண்டு வந்து தருவது, குழந்தைகளுக்குப் பொம்மை கொண்டு வந்து தருவது, குழந்தைகளுக்கு வேடிக்கைக் காட்டுவது எனப் பலவற்றையும் செய்யும் நிலை வரும்

வேலை வாய்ப்புகளில் மாற்றம்:-

வேலை வாய்ப்புகளில் கணிசமான மாற்றத்தை எதிர்காலத்தில் செயற்கை நுண்ணறிவு கொண்டு வரும்.

இயந்திர மனிதனிடம் குழந்தை:-

எதிர் காலத்தில் இயந்திர மனிதனிடம் குழந்தையை ஒப்படைத்துவிட்டு அலுவலகம் செல்லும் பெற்றோரைப் பார்க்க முடியும்.

தோழனாய் இயந்திர மனிதன்:-

வயதானவர்களுக்கு உதவிகள் செய்தும், அவர்களுக்கு உற்ற தோழனாய் பேச்சுக் கொடுத்தும் பேணும் இயந்திர மனிதர்களை நாம் பார்க்க முடியும்.

உயிராபத்தை விளைவித்தல்:-

செயற்கை நுண்ணறிவுள்ள இயந்திர மனிதர்களால், மனிதர் செய்ய இயலாத அலுப்புத் தட்டக்கூடிய கடினமான செயல்களையும் செய்ய முடியும்.

மனித முயற்சியல் உயிராபத்தை விளைவிக்கக் கூடிய செயல்களையும் செய்ய முடியும்.

வணிக வாய்ப்புகள்:-

பெருநிறுவனங்கள் தங்கள் பொருள்களை உற்பத்தி செய்யவும் சந்தைப்படுத்தவும், புதிய வணிக வாய்ப்புகளைச் செயற்கை நுண்ணறிவு ஏற்படுத்திக் கொடுக்கும்.

முடிவுரை:-

செயற்கை நுண்ணறிவு சாதனங்களால் மனிதனின் வேலைப்பளு குறைந்துள்ளது. கால விரயம் தடுக்கப்பட்டுள்ளது.

கற்பவை கற்றபின்

1. இன்றைய செயற்கை நுண்ணறிவுப் பயன்பாடுகளைச் செய்தித்தாளிலோ கண்டு அட்டவணையாகத் தருக.

துறை	பயன்பாடுகள்
மருத்துவத்துறை	நோய்களை கண்டுபடிக்கின்றன. கண் அறுவை  மருத்துவத்தில் பய்னபடுகிறது. சீன மருத்துவமனையில் உள்ள இயந்திர மனிதர்கள் நோயாளிகளின் முகத்தையும் குரலையும் அடையாளம் கண்டு பதில் சொல்கின்றன.
இதழியல் துறை	வேர்டுஸ்மித் என்னும் செயற்கை நுண்ணறிவு மென்பொருள் நாம் கொடுக்கும் தகவல்களைக் கட்டுரையைச் சில நொடிகளில் உருவாக்கிவிடும்.
போக்குவரத்து துறை	அந்த வழியில் போக்குவரத்து நெரிசல் அதிகம. இதுவே சுருக்கமான வழி என்று திறன்பேசியில் வழிகாட்ட படம் உதவி செய்கிறது.
வணிகத்துறை	புதிய வணி வாய்ப்புகளைச் செயற்கை நுண்ணறிவு நல்குகிறது. பெரு நிறுவனங்கள்  தங்கள் பொருள்களை உற்பத்தி செய்யவும், சந்தைப்படுத்தவும்  செயற்கை நுண்ணறிவு பயன்படுகின்றது.
பிற துறைகள்	விடுதிகள், வங்கிகள், அலுவலகங்களில் மனிதர் அளிக்கும் சேவைகளை ரோபோக்கள் அளிக்கும். கல்வித்துறையில் இத்தொழில்நுட்பத்தைப் பல விதங்களில் பயன்படுத்தும் சாத்தியக் கூறுகள் உள்ளன.

2. இன்றைய செயற்கை நுண்ணறிவுப் பயன்பாடுகளைச் செய்தித்தாளிலோ கண்டு அட்டவணையாகத் தருக.

யாழினி	கொடுக்கப்படுகின்ற எல்லாவற்றையும் உள்ளீடு செய்து, தேவைப்படும் வேளையில் வெளியிடுவதில் இன்று மூளைக்கு இணையாகத் தொழில்நுட்பமும் முன்னேறியுள்ளது. என்பதைப் பற்றி உன் கருத்து என்ன?
கயல்விழி	இன்றைய தேவைகளை விரைவில் பூர்த்தி செய்ய பெரும்பாலும் செயற்கை நுண்ணறிவே பயன்படுகிறது. இவ்வுலகை மிகுதியாக ஆளக்கூடிய ஒரு தொழில் நுட்பம் செயற்கை நுண்ணறிவே.
யாழினி	இன்றைய மின்னணுப் புரட்சிக்கு காரணம் என்ன?
கயல்விழி	எந்த ஒரு தொழில் நுட்பமும் ஒரே நாளில் வந்து விடுவதில்லை. 1980-ல் ஒவ்வொருவருக்குமான தனி நபர் கணினிகளின் வளர்ச்சியும் இணையப் பயன்பாட்டின் பிறப்புமே இம்மாற்றத்திற்குக் காரணம்.
யாழினி	மேலே கொடுக்கப்பட்டுள்ள படத்தைப் பற்றி உன்னுடைய கருத்து யாது?
கயல்விழி	“கல்விசார் புரட்சி” என்பதே என்கருத்து. நாம் ஒரு நூலைத் தேடி எடுத்த அதில் நாம் தேடும் சொற்களைக் கண்டுபிடிப்பதற்கு கால விரயம் ஏற்படும். ஆனால் திறன்பேசியோ கணினியோ நாம் சொல்லச் சொல்லத் தன் அகண்ட தரவுகளில் உள்ள கோடிக்கணக்கான சொற்களுடன் ஒப்பிட்டச் சரியான சொல்லைக் கால் நொடிக்கும் குறைவான நேரத்தில் தேர்ந்தெடுத்தத் திரையில் காண்பிக்கிறது. கல்விசார் தகவல்களை உடனுக்குடன் தெரிந்து கொள்ள இத்தொழில் நுட்பம் மிகவும் பயனடையதாக அமையும் நன்றி.

கூடுதல் வினாக்கள்

பலவுள் தெரிக

1. பொருந்தாத இணையைக் கண்டறிக

1. பெப்பர் – ஜப்பான் சாப்ட் வங்கி
2. வாட்சன் – ஐ.பி.எம் நிறுவனம்
3. இலா – பாரத ஸ்டேட் வங்கி
4. பெப்பர் – புற்றுநோயைக் கண்டுபிடித்தது

விடை : பெப்பர் – புற்றுநோயைக் கண்டுபிடித்தது

2. சீன நாட்டில் சூவன்செள துறைமுக நகரில் கட்டப்பட்ட கோயில் __________

1. பிள்ளையார் கோயில்
2. பெருமாள் கோயில்
3. முருகன் கோயில்
4. சிவன் கோயில்

விடை : சிவன் கோயில்

3. உயிரினங்களில் மனிதரை உயிர்த்திக் காட்டுவது அவர்களின் __________

1. சிந்தனை ஆற்றல்
2. வாழ்நாள்
3. செல்வம்
4. ஆற்றல்

விடை : சிந்தனை ஆற்றல்

4. 1980களில் ஒவ்வொருவருக்குமான தனிநபர் கணினிகளின் வளர்ச்சியும், இணையப் பயன்பாட்டின் பிறப்பும் இன்றைய __________ காரணமாயின.

1. இயற்பியல் புரட்சிக்கு
2. மின்னணுப் புரட்சிக்கு
3. வேதியியல் புரட்சிக்கு
4. இயற்கை புரட்சிக்கு

விடை : மின்னணுப் புரட்சிக்கு

5. இவ்வுலகை மிகுதியாக ஆளக்கூடிய ஒரு தொழில் நுட்பம்

1. மென்பொருள்
2. மீத்திறன் நுண்ணறிவு
3. செயற்கை நுண்ணறிவு
4. முகநூல், புலனம் போன்றவை

விடை : செயற்கை நுண்ணறிவு

6. இயல்பான மொழிநடையை உருவாக்குதல் என்னும் மென்பொருளின் பெயர் ___________

1. வேர்ல்டுஸ்மித்
2. வேர்டுஸ்மித்
3. வேர்டுபீட்டர்
4. வேட்ஸ்வொர்த்

விடை : வேர்டுஸ்மித்

7. ___________ என்பதை தமிழில் எழுத்தாளி என்று அழைப்பர்.

1. எக்சல்ஸ்மித்
2. எழுத்தாணி
3. வேர்டுஸ்மித்
4. குரலாளி

விடை : வேர்டுஸ்மித்

8. 2016 இல் நோயாளி ஒருவரின் புற்றுநோயைக் கண்டுபிடித்த ஐ.பி.எம் நிறுவனத்தின் கணினியின் பெயர் ___________

1. பெப்பர்
2. வேர்டுஸமித்
3. ஸ்டீவ்ஸ்மித்
4. வாட்சன்

விடை : வாட்சன்

9. மெய் நிகர் உதவியாளர்களை “இங்கிவனை யான் பெறவே என்ன தவம் செய்துவிட்டேன்” என்று _________ மெச்சுவது போல் மெச்சிக் கொள்ளலாம்.

1. பாரதியார்
2. பாரதிதாசன்
3. சுரதா
4. உடுமலைநாரயணகவி

விடை : பாரதியார்

10. இவ்வுலகை இதுவரை _________ ஆண்டு கொண்டிருக்கிறது; இனிமேல் _________ தான் ஆளப்போகிறது.

1. மென்பொருள், செயற்கை நுண்ணறிவு
2. செயற்கை நுண்ணறிவு, மென்பொருள்
3. நுண்ணறிவு, முகநூல்
4. முகநூல், புலனம்

விடை : மென்பொருள், செயற்கை நுண்ணறிவு

11. __________ மிகுதியான வளர்ச்சியால் தரவு அறிவியலாளர்களின் தேவை கூடியுள்ளது.

1. மென்பொருள்
2. மீத்திறன் நுண்ணறிவு
3. செயற்கை நுண்ணறிவு
4. முகநூல்

விடை : செயற்கை நுண்ணறிவு

12. ஜப்பானில் __________ உருவாக்கிய இயந்திர மனிதன் பெப்பர் 

1. உலக வங்கி
2. மாநில வங்கி
3. மாகாண வங்கி
4. சாப்ட் வங்கி

விடை : சாப்ட் வங்கி

13. உலக அளவில் அதிகம் விற்பனையாகும் ரோபோ __________

1. வாட்சன்
2. வேர்டுஸமித்
3. பெப்பர்
4. ஸ்டீவ்ஸ்மித்

விடை : பெப்பர்

14. பெப்பர் ரோபோக்களின் மூன்று வகையினுள் பொருந்தாதைக் கண்டறிக

1. வீட்டுக்குப் பயன்படுவது
2. வணிகத்துக்குப் பயன்படுவது
3. நாட்டுக்குப் பயன்படுவது
4. படிப்புக்கு பயன்படுவது

விடை : நாட்டுக்குப் பயன்படுவது

15. இந்தியாவின் பெரிய வங்கி __________

1. பாரத ஸ்டேட் வங்கி
2. இந்தியன் வங்கி
3. பரோடா வங்கி
4. கனரா வங்கி

விடை : பாரத ஸ்டேட் வங்கி

16. பாரத ஸ்டேட் வங்கி உருவாக்கிய உரையாடு மென்பொருள் _________

1. உலா
2. ஹலா
3. இலா
4. வேர்டுஸ்மித்

விடை : இலா

17. இயல்பான மொழிநடையை உருவாக்குதல் என்னும் மென்பொருள் _________

1. வாட்சன்
2. வழிகாட்டி வரைபடம்
3. வேர்டுஸ்மித் (எழுத்தாளி)
4. பெப்பர்

விடை : வேர்டுஸ்மித் (எழுத்தாளி)

19. 2016-ல் ஐ.பி.எம். நிறுவனத்தின் நுண்ணறிவுக் கணினி _________

1. வாட்சன்
2. பெப்பர்
3. வழிகாட்டி வரைபடம்
4. வேர்டுஸ்மித் (எழுத்தாளி)

விடை : வாட்சன்

20. 50-க்கும் மேற்பட்ட மருத்துவமனைகளில் இயந்திர மனிதர்களைப் பணி அமர்த்தியுள்ள நாடு _________

1. ஆஸ்திரேலியா
2. அமெரிக்கா
3. ஜப்பான்
4. சீனா

விடை : சீனா

21. “இலா” மென்பொருள் ஒரு விநாடிக்கு உரையாடும் வாடிக்கையாளர்களின் எண்ணிக்கை _________

1. ஆயிரம்
2. பத்தாயிரம்
3. லட்சம்
4. பத்து லட்சம்

விடை : பாரதியார்

22. சாப்ட் வங்கி உருவாக்கிய நாடு _________

1. ஆஸ்திரேலியா
2. அமெரிக்கா
3. ஜப்பான்
4. சீனா

விடை : ஜப்பான்

23. தமிழ்க்கல்வெட்டு காணப்படும் பிறநாடு _________

1. ஆஸ்திரேலியா
2. சீனா
3. அமெரிக்கா
4. ஜப்பான்

விடை : சீனா

24. சீனப்பேரரசர் _________

1. பெய்ஜிங்
2. காண்டன்
3. சூவன்செளா
4. குப்லாய்கான்

விடை : குப்லாய்கான்

25. சீனாவின் சிவன் கோவில் கட்டிய பேரரசர் _________

1. பெய்ஜிங்
2. காண்டன்
3. குப்லாய்கான்
4. சூவன்செளா

விடை : குப்லாய்கான்

பொருத்துக

1. பெப்பர்	அ. கட்டுரை உருவாக்கும் மென்பொருள்
2. எழுத்தாளி	ஆ. இயந்திர மென்பொருள்
3. இலா	இ. நுண்ணறிவுக் கணினி
4. வாட்சன்	ஈ வாடிக்கையாளர்களும் உரையாடு மென்பொருள்
விடை : 1 – ஆ, 2 – அ, 3 – ஈ, 4 – இ

பொருத்துக

1. மின்னணுப் புரட்சி	அ. Browser
2.செயல்திட்ட வரைவு	ஆ. Data
3. உலாவி	இ. Computer Program
4. தரவு	ஈ. Digital Revolution
விடை : 1 – ஈ, 2 – இ, 3 – ஆ, 4 – அ

குறு வினா

1. மின்னணுப் புரட்சிக்கான காரணங்களைக் கூறுக

• 1980-ல் ஒவ்வொருவருக்குமான தனிநபர் கணினிகளின் வளர்ச்சி

• இணையப் பயன்பாட்டின் பிறப்பு

இவையே இன்றைய மின்னணுப் புரட்சிக்கான காரணங்களாகும்.

2. வேர்டுஸ்மித் குறிப்பு வரைக

• இதழியலில் மொழி நடையை உருவாக்கும் மென்பொருளின் பெயர் வேர்டுஸ்மித்

• இதற்கு “எழுத்தாளி” என்று பெயர்

• இதில் தகவல்களை கொடுத்தால் மட்டும் போதும் சில நொடிகளிலேய கட்டுரையை உருவாக்குகின்றன

3. வாட்சன் குறிப்பு வரைக

• 2016-ல் ஐபிஎம் நிறுவனத்தின் செயற்கை நுண்ணறிவு கணினி வாட்சன்.

• சில நிமிடங்களில் இரண்டு கோடித் தரவுகளை அலசி, நோயாளி ஒருவரின் புற்றுநோயைக் கண்டுபிடித்தது.

4. செயற்கை நுண்ணறிவு நமக்கு எப்படி அறிமுகமாகிறது?

• சமூக ஊடகங்கள்

• மின்னணு சந்தைகள்

இவற்றின் மூலம் செயற்கை நுண்ணறிவு நமக்கு அறிமுகமாகிறது

5. செயற்கை நுண்ணறிவு குறித்து தொழில்நுட்ப வரையறைக் கூறுக?

செயற்கை நுண்ணறிவு என்பது செயல்திட்ட வரைவு

6. செயற்கை நுண்ணறிவின் பொதுவான பணி யாது?

மனிதனால் முடியும் செயல்களையும், அவன் கடினம் என்று கருதும் செயல்களையும் செய்யக்கூடியது செயற்கை நுண்ணறிவு

7. சீனாவில் மருத்துவமனைகளில் பயன்படுத்தும் இந்திரமனிதனின் செயல்பாடுகளைக் கூறுக.

• மருத்துவமனைகளுக்கு வரும் நோயாளிகளின் குரலையும், முகத்தையும் அடையாளம் கண்டு அவர்களின் கேள்விக்குப் பதில் சொல்கிறேன்.

• சீன மொழியின் வெவ்வேறு வட்டார வழக்குகளையும் கூட அவை புரிந்து கொண்டு பதில் அளிக்கின்றன.

8. “இலா” என்னும் மென்பொருள் குறித்து எழுதுக

• பாரத ஸ்டேட் வங்கி “இலா” என்னும் உரையாடு மென்பொருளை உருவாக்கியுள்ளது.

• ஒரு விநாடிக்குப் பத்தாயிரம் வாடிக்கையாளர்களுடன் உரையாடும்.

• அவர்களுக்கான சேவையை இணையம் மூலம் அளிக்கிறது.

9. “இலா” (ELA) என்பதன் ஆங்கில விரிவாக்கத்தை எழுதுக

ELA – Electronic Live Assistant

10. செயற்கை நுண்ணறிவு சிறப்பு யாது?

• செயற்கை நுண்ணறிவு பொதிந்த இயந்திரங்களுக்கு ஓய்வு தேவையில்லை.

• செயற்கை நுண்ணறிவால் பார்க்கவும் கேட்கவும் புரிந்து கொள்ளவும் முடியும்.

 

 

சில பயனுள்ள பக்கங்கள்

• 10th standard Tamil Book – PDF

• 10th Std Tamil Lesson 3.6 திருக்குறள்

If you can any doubts about the section Just comment below the Comment Section. We will clarify as soon as possible. Al the Best…